المقال هذا ! فيه برشة برشة برشة كلام زايد ! هاو من تو ! كان موش باش تقبل الكلام هذا من غير ما تقراه !
بعد ما يجيني حد يبدى يكسرلي في راسي و يقلي درا شبيك منحط و لا حاجة ! هو من توة !
كان موش باش تقبل الكلام هذا ! من غير ما تقراه !!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا شعب تونس ! يا شعب الله المحتار ! ! لووووووول مرة أخرة و ألف لول عليك !!
واللوووووووووول هذه ! باش نقعد نقولها كل ما نتفكرك ! علاش ؟
على خاطرني طلعت منيك و كيف بن علي غلطوني و فهموني الي إنت شعب مقهور آما خايف و ناقص وعي ! واحد يفيقو تو تشوف فين يوصل !
عديت أكثر من 4 سنوات من حياتي ، عمري جيست 22 ، يعني خمس حياتي ! بين البلوغينغ و الفورومز ، و الفايسبوك ، وآنا نفيق فيك و بعد ؟ ههههه لووول أخرى ! تحشالي ! و شكون حشاهالي ؟ شعب الله المحتار ! شعبي ! خرجلي فقوسة و حسبت حسبة طلعتلي عصبة !
ضيعت وقتي و صحة بدني ، و عصابي تلفت و آنا نحآرب في بهامتك جايبها لقحب شرارة ! !! و بعد !!! لوووووووووول أخرى !! خرجتلي صبع الوسط ! بعثتلي فقوسة جرازنية بالصوت
الوالدة باش تموت مالخوف عليا ! 4 سنين و هي تجري ورايا ! قريب باش تكسرلي البي سي ! و آنا نقلها يامي راو جيست الشعب هذا يولي واعي شوية و ينحي الخوف تشوف آش ينجم يعمل والله يقلب الدنيا و نوليو يابان إفريقيا و هات من هاكا اللاوي اللي بالحق ، توة كيف نتذكر قداش كنت مقتنع بيه ! نقول على روحي لووووووول يا منيك ! فيق عصبة على راسك ! و جات هاكا الثورة المباركة و العظيمة و المجيدة و هاكا القحب الكل الي يقولو فيه في التلفزة ! نقلها شفت يامي ! شفت هاو الي حكيتلك عليه هاو ثمار النضال و التعب الي تعبتو آنا و أصحابي أقلها ما مشاش خسارة ! ! ياخي !! لووووووووووووول مرة أخرى !
صاحبتي نهار و طولو و هي تقلي نحي ! يزي باش تباصي !يزي راني حاجتي بيك ! إتلهى يا شوية ! حسسني إلي آنا صاحبتك ! عبرني شوية ! و آنا نقلها ما تبخلنيش ! راني لاهي ! عندي مهمة سامية و نبيلة ! باش ننشر الوعي ! و نحشد الجماهير ! هذه قضية شعب ، هذه مبادئ !! و كالعادة ! لووووووووووووووووول !! تحشالي حشوة سمع طنينها في مشرق الأرض و مغربها !!!
أصحابي كرهوني ! ، يبداو قاعدين يحكيو عالكورة و السهريات تفدليك بنات يبرمجو لسكرة ! نهد آنا يبداو يستعوذو ! هاو جاء فلقان الزبوب، كل ما نقعد نحكي سياسة و موش بعد 14 جانفي راو ! لا لا !! نحكيلكم فيه هذا من أكثر من 4 سنين ! نقلهم راهي تونس بلادكم ! يقولولي يدها في زبي ! نقلهم عيب ما يجيش هكة راو كل شيء ممكن ! و هوما يقولولي تو تخرى فيه و آنا نقلهم زايد الجهل مصيبة و جات الثورة العظيمة المجيدة القحبونة البنت قحبة حاشا شهدائها ! قلتلهم ! شفتو كيفاش ؟ هع هع ! و ندز في سدري ونڨزدر قدامهم ! ياخي جاوني اليوم قالولي الجهل مصيبة ؟؟ لوووووووووووووول ! يعطيك عصبة ! زايد مش قلنالك تو تخرى فيه !!
عام السنة شعرة و ندوبل لأول مرة في حياتي ! عام كامل و آنا مع هاكا المجموعات الي تشكك في إنجازات تونس و الي بعد ولى إسمها مجموعات عندها أغراض سياسوية و بعد ولات مجموعة من الأفراد و بعد ولات مجموعة مخربين و بعد ولات إسمها ثوار و أحرار تونس و بعد قصباويين و بعد ثورجيين و بعد جبورة و بعد ناس منيكة !!
جات الإمتحانات داخل مڨلع !! ما حافظ و فاهم كان المطالب الي نادات بيها البڨرة الباركة المجيدة العظيمة ! ناس مركزة في إكزامانتهم و آنا نيك على وقتي !
يا دجو ؟ زعمة مجلس تأسيسي و لا نتخابات رئاسية ؟ زعمة إستقلالية القضاء ! و لا تحرير الإعلام قبل ؟
نعدي النص ساعة و نطير للقصبة ! زايد يعطيني عصبة ! آنا إنسان منيك !
و جاء وقت الستاج الي باش نعديه و بيه باش نتخرج ! ناس لوجت و لقات و بدات تخدم في الپي آف أو ! و آنا و بينومي نقاومو في قوى الإلتفاف على الثورة ! لوووووول ! ذكريات منيكة ! بدينا بعد الناس بشهرين !
بينومي زادة ثوري هوكا عامل باج توة و مازال يقاوم ! آما فهم اللابز على بكري و سل جعبو ! فهم اللي الشعب منيك ! و بدى يخدم ! مسكين راصاتلو يخدم في البروجي وحدو و آنا لاهي نحمي في البڨرة الجيدة المباركة العظيمة و إلخ من تكسير الزبوب الي يقولو فيه في التلفزة ! و نزيد نكمل نحشيهالو في السوتونانس ! حتى وجهي ما عادش نجم نمدو قدامو ! كان صاحبي الروح بالروح ! توة حتى صباح الخير لا ! إن شاء الله يسامحني و كهو !
صحتي طاحت و وليت على أعصابي ! عام كامل ما مشيتش للحجام ! لا لحية و لا شعر ! وليت غوفة كيف الي في تصويرة ! و آنا نحمي في البڨرة ! نسيت روحي ! وليت ما نعمل في شيء غير إني من إعتصام لإعتصام ، و من مظاهرة لمظاهرة ! و آنا نقاوم في قوى الإلتفاف على الثورة ! لوووووووول !! زح قداشني منيك كنت !
حاصيلو ! آخرها هبطت ، نهار 15 جويلية للقصبة ! ناكوني بالڨاز ! وزيد أمي السب الي كلاتو عمرها ما كلاتو من عند هاكا الكلاب متاع الداخلية إن شاء الله تسامحني و كهو ! روحت مغلغل و موناك في مخي على الشعب متاع الفم الحارك و الزك البارك ! نمشيو ! أي نهبطو للقصبة ! إعتصام إعتصام ! جاونا حارتين عباد ! يرحم والديهم ! و الباقي معتصمين تحت الكليماتيزور في ديارهم يتبعو في البث المباشر متاع اليوستريم ! و نزيد نسمع بأمان الله تشد ! زدت غفلقت ! الراجل نظيف ! يحب بلادو و يحب دينو و صادم ما يهموش ! بڨلب و رب قلك أنا مشروع شهيد في سبيل قضيتي ! و جماعة ولاس قحبة ما بعد 14 جانفي ، هاكا الي جايبينها ثوريين حداثيين عصبة على كرومتهم واحد واحد إلا من رحم ربي !
يكذبو علينا ما تشدش تلقاه راكش في دارو ! يستاهل آش مخرجوا ! إيه ! خلي البلاد تريض ! باهيلو الجيش !
و جماعة الفم الحارك و الزك البارك ! والله سخفنا أمن الله ، مسكين ، يا ربي يفرج عليه ! ربي يخلص وحلو ! يا ربي يا ربي ! كلنا مع أمان الله ، كلنا مع فايسبوكر حر !!
انا نقلهم هيا نعملو وقفة إهتجاجية على الأقل ! كيف الراجل إستذنبتو بيه و حشيتوهالو ! هيا نخرجوه ! هيا نيك أمكم قدام المحكمة ! هيا يا زبي !!!
لا تعلــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيق
انا ديجا متنيك من نهار 15 جويلية ! آما الوادة كيف جابتني علمتني إلي الرجولية في الڨلب و الراجل عمرو ما يجبد بالرجال !! هات يخرج أمان الله و بعد فمة كلام آخر !
أمان اليوم خرج ! الحمد لله ! و دجو باش ينتحر اليوم ! بالأحرى شخصية دجو الإفتراضية الي عمرها 4 سنين ! 4 سنين و هي توعي في شعب منيك إلا من رحم ربي ! 4 سنين و هي تجري وراء وهم ! اليوم باش يقتلها جمال !
على فكرة ! دجو من اليوم مات ! و الي قتلو إنسان إسمو جمال ! إلي هو إسمي الصحيح ! و بأمر مباشر منك يا شعب يا منيك ! إلا من رحم ربي !!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
معذرة مرة أخرى للناس إلي نقدرهم و نحترمهم على الكلام هذا ! لكن دجو المتربي مات ! هذا جمال الي قاعد يحكي توة و جمال هذا كان متربي لكن الله غالب الشعب هذا ! ما يخلي حد في عقلوا
ربي ينصركم ( نحكي مع الناس إلي تستحق و الي بالحق من قلبو عشق بلادو ) .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.